Basler Fasnacht II

Weitere Schnitzelbängg zu Kommunikation und Medien

TeleBasel
HORIZONT Swiss präsentiert hier sieben weitere Schnitzelbängg zu Kommunikation, Medien, iPhone, Twitter und auch zu zwei Werbe-Kampagnen.
Dr Trump landet in der Schwyz,
"Blick" und Schneider-Ammann gän sich ganz verliebt.
Sie hoffe aber, as är nid uus Witz
d'US-Botschaft nach Züri verschiebt.
Schlyffstai

Wenn d Billag abgschafft wird, ojee,
gits numme no Reklame z gsee.
24 Stund, das isch vyyl:
Fischer, Bettwaarä, Wädeschwyyl.
Spitzbueb

"Sali Fritz, wie gohts denn dir?" –
"Du Hans, ich glaub, ich krieg e Maise.
Jetzt han ich s zäänte iPhone miesse
in Michtkübel go schmaisse.
S kunnt jeedes Mol e Frauestimm
und sait, sie wär us Ziiri" –
"Du Duubel, das isch d Assistänz
und haisse duet das 'Siri'"!
Wyybuure

Mir hänn e gmeinsams Bangg-Konto
fir Père e Fyss e Mère,
unsri Huusbangg isch jetz blau
und nennt sich neischtens "Cler".
Sait doch d Grandmère zum Grandpère:
"Gäll, die Bangg gfallt dir au,
Du bisch zwoor laider sälte clair,
derfir bisch allbott blau!"
Perefyss

Ud RTL gseesch, gfilmt uf Insle,
straffi Brüscht und schlaffi Pinsle.
Mir hän die Sändig aimol gluegt, do hets uns hindere gsträält.
So kunnst halt uuse, ooni Billag, wenn s Gäld fir Kleider fäält.
Nachtschwärmer

Uns fallt uff, dass die Rammel sich gebärde wie BArbare:
S darf nüt koschte, s darf nüt koschte, s darf nüt koschte – numme spaare!
"Wenn an d Uni ych  öbbis zahle muess,
muess es billig sy – e schöne Greuss"
schrybt ys d Monica Gschwind,
"denn ych bin ein ALDI-Kind!"
Schunggebegräbnis
Hinweis für Nicht-Basler: Monica Gschwind ist Baselbieter Erziehungsdirektorin.


Dr Donald Trump sait im Interview – und das sehr verbitteret.
Amerika hett e grosses Broblem – hett är denn grad twitteret.
Es gitt bi däne sehr viel psychisch Gstörti – jo, das sig dr Trend
Es isch nur sälte – ass dr Patiänt das grad au no sälber erkennt.
Bajass & Omega







stats